CEBU, Philippines — Si Utah Jazz center Rudy Gobert, ang labing unang NBA player nga nagpositibo sa coronavirus, nagkanayon nga anam-anam na kanindot ang iyang paminaw matag adlaw, apan padayon ang iyang pagmahay sa iyang gibuhat.
Matud pa ni Gobert nga imbes magbugal-bugal, iya unta giseryoso ang sitwasyon nga kritikal na kaayo ug mi-alarma sa tibuok kalibotan.
Ang 27-anyos nga si Gobert mipahibalo sa iyang kondisyon kagahapong adlawa pinaagi sa usa ka video nga gi-release sa NBA sa social media diin iyang gitambagan ang katawhan nga kanunay mag-amping, protektahan ang ilang kaugalingon ug buhaton ang tanang pamaagi aron malikayan ang pagkuyanap sa virus.
"It's all about protecting yourself and the people around you," matud pa ni Gobert. "I wish I would've taken this thing more seriously and I hope everyone else is going to do so because we can do it together. Take care and stay safe."
Si Gobert nag-positibo sa COVID-19 sa wala pa ang duwa tali sa Utah ug Oklahoma City Thunder niadtong Huwebes.
Mao kini ang nakapugos sa NBA pag-suspenso sa kasamtangan niining season.
Nagkanayon si Gobert nga maayo na karon ang iyang paminaw dayong pasalamat sa mga medical staff nga nag-atiman kaniya sa tambalanan.
"I've been feeling a little better every single day thanks to the health care people of Utah and Oklahoma City and all the great people around," dugang pa ni Gobert. "Thank you to all the people who have been supportive for all the positive energy."It means a lot."