CEBU, Philippines — Ang kanhi bitoon sa ALA Gym nga si Mark Magsayo sakop na karon sa MP Promotions nga gipanag-iya ni boxing superstar Manny Pacquiao.
Human sa pagpinirmahay nila sa kontrata uban ni Pacquiao ug MP Promotions head Sean Gibbons niadtong Martes sa gabii, gitakda dayon nilang paawayon si Magsayo karong Mayo 16 sa wala pa hisayring binyu.
Matud pa ni Gibbons nga buot lamang nila nga ibalik ang pagka-aktibo ni Magsayo.
Ang 24-anyos nga si Magsayo (20-0, 14KOs) katapusang miaway niadto pang Agosto sa miaging tuig diin iyang gipukan si Panya Uthok sa Thailand aron sakmiton ang bakanteng Asian Boxing Council featherweight title.
Gikalipay og dako ni Pacquiao ang pag-abot ni Magsayo sa ilang poder nga nagpahinumdum kaniya sa iyang kaugalingon.
"I am thrilled to sign undefeated world-rated contender Mark 'Magnifico' Magsayo. I have watched Mark develop here in the Philippines as a fighter," matud pa ni Pacquiao segun sa taho sa Philstar.com. "He reminds me of myself, how we both struggled to come from nothing to world-rated contender. I love his work ethic and desire to become a world champion and I will do everything to help promote Mark and make his dreams a reality."
Sa iyang bahin, sii Magsayo misaad nga dili niya pakyason ang bugtong eight-division world champion sa kasaysayan sa boksing.
"I want to thank the Senator for helping me and all the Filipino boxers, for changing our lives and helping us. I am more inspired to fight now especially since Senator Manny Pacquiao is my Idol. I look up to him a lot. I started boxing because of him. I will not waste the opportunity and will do my best to fulfill my dreams," matud pa ni Magsayo.