CEBU, Philippines — Ang kanhi superstar sa San Antonio Spurs nga si Tim Duncan mitampo og laing daog sa iyang koponan, ning higayona isip head coach.
Temporaryo nga mihulip sa dapit ni Gregg Popovich nga wala makabutho sa duwa gumikan sa personal nga rason.
Gidugang ni Duncan ang titulo isip 'head coach' sa listahan sa nakab-ot niyang mga dungog. Uno-zero na siya karon isip head coach.
Ubos sa pagtimon sa Hall of Fame finalist, gibuntog sa Spurs ang Charlotte Hornets sa iskor nga 104-103.
Si Dejounte Murray maoy nangu sa Spurs uban ang 21 puntos.
Sila si Bryn Forbes, Rudy Gay, DeMar DeRozan, Patty Mills ug Derrick White mikadlit sab og double figures alang sa Spurs.
Samtang si Terry Rozier mitali og 20 puntos alang sa pilderong Hornets.