Duwa sa Gilas batok Thailand kanselado
CEBU, Philippines — Dili madayon karong Pebrero 20 ang unang duwa sa Gilas Pilipinas sa FIBA Asia Cup qualifiers.
Kini human gikanselar sa FIBA ang duwa tungod sa kabalaka nga dala sa corona virus nga miigo na sa pipila ka mga nasud sa Asya.
Sangkaon unta sa Gilas mao ang Thailand.
Gawas sa Pilipinas batok Thailand, laing gikanselar nga mga sangka mao Japan batok China sa Pebrero 21 ug China batok Malaysia sa Pebrero 24.
Ang FIBA wala pa mihatag og tukmang petsa kon kanus-a ipahigayon ang mga tungod kay padayon silang naniid sa sitwasyon karon gumikan sa corona virus nga nagsugod didto sa China diin liboan na ang nataptan ug daghan nang kinabuhi ang nakalas.
Ang Gilas makigsangka unta sa Thailand sa Smart Araneta Coliseum, sundan sa duwa nila batok Indonesia sa Pebrero 23 didto sa Jakarta.
- Latest
