CEBU, Philippines — Si Kawhi Leonard mikulit sa labing unang triple-double sa iyang karera ug nahimong mas mabulukon ang iyang adlaw human ang iyang LA Clippers mibuntog sa Miami Heat sa NBA kagahapon didto sa American Airlines Arena sa Miami, Florida.
Ang two-time Finals MVP mipatik og 33 puntos, 10 ka rebounds ug 10 ka assists sa 122-117 nga kadaogan sa Clippers batok sa Heat.
Mismo si Heat coach Erik Spoelstra n-surprisa human masayod nga mao pa diay kadto ang labing unang triple-double ni Leonard.
Ang bola nga gigamit sa duwa gihatag ngadtong Clippers coach Doc River didto sa ilang locker room. Iya kining gidribol kausa sa wala pa gipasa ngadto ni Leonard aron hipuson ug himuong handumanan.
Gipasalamatan ni Leonard ang iyang mga teammates gumikan kay alang kaniya, dili niya makuha ang iyang nakab-ot kon dili pa tungod nila.