Philippine boxers todo-ensayo alang sa Olympic qualifiers

CEBU, Philippines — Wa'y hunong ang Philippine  boxing team sa ilang ensayo pangandam sa duha ka krusyal nga  Olympic qualifiers  sayo ning tuiga.

Ang mga Pinoy boxers nga midominar sa miaging 30th Southeast Asian Games, wala mibakasyon atol sa Pasko ug Bag-ong Tuig aron motutok sa ilang preparasyon alang sa Asia/Oceania Olympic qualifiers nga ipahigayon sa Pebrero 3 didto sa China.

Kini ang una sa duha ka qualifiers nga paningkamotang madag-an sa mga Pinoy aron makakuha sila og luna sa 2020 Tokyo Olympics sa Nobiyembre.

Sobra sa 10 ka mga  boksidor sa Pilipinas ang manulong didto sa China ug atangan ang duha ka World Championship medalists nga sila si Eumir Marcial ug Neshty Petecio nga gitan-aw mas hinog na alang sa Olympics.

Kon  dili buligan og suwerte didto sa China, ang Philippine team mamasin sa laing Olympic qualifiers sa Mayo 13 didto sa Paris, France.