Petalcorin pakyas sa world title

CEBU, Philippines —  Pakyas si Pinoy world title challenger Randy Petalcorin pagtuman sa iyang misyon nga  mahimong kampiyon human siya gipaundang ni Japanese champion   Ken Shiro atol sa ilang sangka niadtong miaging gabii didto sa Japan.

Ang 27-anyos nga si Petalcorin misaka ngadto sa mandatory challenger status human sa sunod-sunod niyang kadaogan karong tuiga, apan nausik kining tanan human siya miyukbo ni Shiro, kinsa nakadepensa sa iyang WBC light flyweight belt.

Si Petalcorin agresibo sa pagsugod sa sangka diin misuway siya pagpasud og mga kombinasyon, apan wala siya kasustinir sa kusog ni Shiro nga mipaluhod kaniya kaduha ka higayon sa third round. Nakarekober si Petalcorin aron ipadayon ang sangka, apan gibombahan na usab siya og bodyshot ni Shiro sa fourth round hangtod natumba ug wala na makabangon pa.

Ang manedyer ni Petalcorin nga si JC Manangquil nagkanayon nga pabilin ang damgo ni Petalcorin nga mamahimong world champion, apan monaog kini sa minimumweight division ug adto sunod mohimo sa iyang kampanya. 

"I’ll talk to Randy about his career after the holidays. Maybe, he’ll go down to 105. It’s not over for Rand,' matud ni Manangquil sa Philstar.com.