Cebu mo-host sa GenSan karon sa MPBL lakan cup

CEBU, Philippines — Ang Cebu City Casino Ethyl Alcohol maoy mo-host sa GenSan Warriors sa Maharlika Pilipinas Basketball League (MPBL) Lakan Cup karong adlawa diha sa Aznar Coliseum sa Southwestern University-Phinma.

Mag-abot ang Cebu ug GenSan sa alas-9 sa gabii human duwa tali sa Makati Super Crunch ug Bacoor Strikers sa pasiunang duwa nga gikatakda sa alas-7 sa gabii.

Sa ilang pakigharong sa bisitang Warriors, ang Cebu ni coach Noynoy Falcasantos naglaraw nga putlon ang duha ka sagunson nilang pilde.

Sa kasamtangan, ang Cebu anaa sa ika-10 nga dapit sud sa 16 teams sa South Division standings uban ang 9-12 win-loss record, samtang ang GenSan nahimutang sa ikatulong puwesto bitbit ang 15-7 nga baraha.

Ang Makati maoy No. 2 team sa North uban ang 20-4 nga marka, samtang susama sab ang nahimutangan sa Bacoor sa South bitbit ang 18-5 nga baraha.