CEBU, Philippines — Hingpit na nga mobiya sa Phl Azkals ang kanhi team captain nga si Phil Younghusband.
Si Younghusband personal nga mipahibalo sa iyang pagretiro niadtong Lunes sa gabii gamit iyang social media diin gipasalamatan niya ang iyang mga fans, teammates ug opisyal sa Philippine Football Association.
"Hanging up my boots!" matud pa ni Younghusband. "Thank you to my bosses, my coaches, teammates, competitors, and all the supporters who have been part of my journey."
Si Younghusband uban sa iyang manghod nga si James maoy duha sa mga mibuhi sa football sa nasud human nila gidala ang Azkals sa AFF Suzuki Cup semis niadtong tuig 2006.
Ang Fil-British striker katapusang mipakita og aksiyon sa Azkals atol sa 2019 AFC Asian Cup niadtong miaging bulan.