Mga Pinoy mag-unay sa world title
CEBU, Philippines — Sa labing unang higayon, mag-abot ang duha ka Filipino mixed martial arts fighter alang One strawweight world title karong gabii sa One Championship didto sa Mall of Asia Arena.
Sila si Joshua Pacio ug Rene Catalan dili unta gusto nga mag-unay, apan wala sila'y mahimo tungod kay si Catalan ang migawas nga mandatory challenger sa bakus nga gihuptan ni Pacio.
"It's rare that a Filipino will fight another Filipino for a world title, but I'm glad to be part of history," matud pa sa Ifugao nga si Pacio.
Si Pacio nangandam alang sa lisud nga sangka batok ni wushu national team member Catalan nga adunay six-fight win-streak.
Sa iyang bahin, si Catalan miingon nga ang pagsakmit sa bakus makadapako sa iyang kompiyansa ilabi na nga siya ang pambato sa nasud sa Southeast Asian Games.
Sa supporting bout, mobalik og away ang Pinoy MMA legend nga si Eduard Folayang batok sa Mongolian nga si Amarsanaa Tsogookhuu, samtang laing Pinoy nga si Geje Eustaqui makigsangka ni Toni Tauru sa Finland.
- Latest
