Embiid, Towns suspenso2 ka duwa
CEBU, Philippines — Ang NBA mipahamtang og tagurha ka duwa nga suspensiyon nilang Karl-Anthony Towns ug Joel Embiid gumikan sa ilang partisipasyon sa nahitabong kagubot sa ilang duwa niadtong Huwebes didto sa Philadelphia.
Si Towns sa Minnesota Timberwolves ug Embiid sa Philadelphia 76ers parehong na-ejected human sa nahitabong kasamok sa ikatulong kuwarter atol sa 117-95 nga kadaogan sa 76ers didto sa ilang korte.
Matud pa ni NBA vice president Kiki VanDeWeghe nga ang gipakanaog nilang silot maoy ilang tubag sa pagpasiugda nilang Towns ug Embiid sa miulbong gubot nga giapilan sa pipila ka mga players ug coaches sa duha ka teams.
Wala hinuo'y nanga-angol sa maong lamok-lamok nga miulbo sa dihang ang 76ers naglabaw og 20 puntos, 75-55 sa tunga-tungang bahin sa ikatulong kuwarter.
Human nagbinayloay og mahait nga mga pulong, naglayog sila si Embiid ug Towns nga maoy nagduslit sa lamok-lamok. Sa usa ka higayon, makita nga si Ben Simmons sa Sixers misuway og tuok ni Towns.
- Latest
