CEBU, Philippines — Ang beterana nga si Ruffa Sorongon misakmit sa ikalima niyang sunod-sunod nga womens title sa Gaisano Country Mall Anniversary Run kagahapon didto sa parking lot sa maong mall sa Barangay Banilad, Cebu City.
Si Sorongon mipakita nga siya ang labing paspas karon sa Sugbo human siya mitala og oras nga 1:34:22 aron masakmit ang titulo sa 21K half marathon. Gisundan siya ni Kay Cundangan nga adunay oras nga 1:38:57, samtang si Princes Borneo anaa sa ikatulo sa oras nga 1:41:13.
Sa men’s division, naglawig si Jaymar Magdaleno sa oras nga 1:16:09, samtang si Michael Largo ug Ian Refuela maoy second ug third placer sa oras nga 1:17:07 ug 1:19:08.
Sa laing bahin, si Cherry Andrin nagpabilin usab nga kampiyon sa 15K womens sa oras nga 1:04:31 gisundan nila ni Grace Tejones ug Wilma Ugay sa ikaduha ug ikatulong dapit sa oras nga 1:08:17 ug 1:19:13.
Midaog sa 15K mens si Florendo Lapis sa oras nga 51:56, samtang ang mga runner-ups mao sila si Jerome Casinillo (53:63) ug Azlan Pagay (53:35).
Ang mananaog sa 10K mao sila si Jeboy Magbologtong ug Evamie Villari, samtang ang labing paspas sa 5K mao sila si Rainmarch Gonzaga ug Azia Parrasi.