CEBU, Philippines – Nadismaya si Robert Bolick sa NorthPort Batang Pier kay wala siya maapil sa 15-man pool sa Gilas Pilipinas nga moduwa sa Southeast Asian Games karong Nobiyembre 30 hangtod Disyembre 11.
Si Gilas coach Tim Cone mihingan sa 15 niya ka mga piniling magduduwa nga gilangkuban sa mga PBA veteran stars niadtong Huwebes.
Pipila ka gutlo, si Bolick mi-post og mensahe pinaagi sa iyang social media account ug gipadayag niya ang iyang kadismaya.
Dismayado si Bolick tungod kay napakita niya iyang abilidad sa Gilas Pilipinas sa miaging World Cup didto sa China diin mi-average siya og 8.6 points ug 1.2 rebounds. Wala maapil sa 15-man team si CJ Perez sa Columbian Dyip nga mipakita sab og maayong labok atol sa World Cup.
Mipasabot si Cone nga pulos beterano iyang gikuha tungod kay wala na'y panahon ang nasudnong koponan nga motrabaho sa ilang team chemistry.