7th Karate-do Asia Pacific Championships banatan karon
CEBU, Philippines – Gatosan ka mga karatekas gikan sa 20 ka nasud ang mopakita sa ilang abilidad sa 7th Karate-do Goju-Kai Asia Pacific Championship and Technical Seminar 2019 karong adlawa didto sa Hoopsdome sa Barangay Gun-ob, Lapu-Lapu City.
Ang Pilipinas manalipod sa ilang balwarte batok sa mga atleta gikan sa Indonesia, Thailand, Malaysia, Nepal, Japan, Korea, Hong Kong, China, Singapore, Chinese-Taipei, Australia, India ug Thailand.
Usa sa mga lig-ong pambato sa Pilipinas mao ang Cebuana ug national team member nga si Kyle Quiroga. Pahimuslan kini ni Quiroga ilabi na nga andam na ang karate national squad alang sa Southeast Asian Games sa Nobiyembre 30 hangtod sa Disyembre 11.
Ang tulo ka adlaw nga torneyo naglakip sa kata, kata bunkai, individual ug team kumite categories.
- Latest
