Abueva ipa-drug test sa PBA

CEBU, Philippines — Gibutyag ni  Commissioner Willie Marcial  nga kinahanglan  mopaubos ug mopasar sa drug testing ug psychological test  si Calvin Abueva aron makabalik kini og duwa sa PBA.

Kini aron pagmatuod nga dili siya tiggamitan og ilegal nga drugas ug sakto  iyang paminsar. 

Si Marcial miingon nga nangayo na og pasaylo si Abueva kabahin sa iyang mga salaod sa PBA nga miresulta sa iyang 'indefinite suspension', apan naglisud siya  paglibkas sa suspension sa PBA All-Star tungod kay nakahimo gihapon kini og mga salaod bisan  og wala siya sa liga.

Nadismaya si Marcial  sa gibuhat ni Abueva nga miduwa og barangay tournament nga miresulta sa pagsuspenso sa Phoenix Fuel Masters kaniya. Nadugang usab sa ngil-ad nga reputasyon ni Abueva mao ang pasangil sa iyang asawa nga gidagmalan siya.

"Maybe he should voluntarily undergo drug and psychological testing and turn in the results to the PBA to disprove any speculation of being under the influence of prohibited drugs or mental instability. He should make a public apology, do community service and settle whatever problems he has with his family," matud pa ni Marcial sa The Philippine STAR.

Gikataho usab nga kon dili makabalik sa PBA,  ang kampo ni Abueva mitug-an nga mobalhin  kini  sa  MPBL  o sa ABL, apan wala pa'y koponan gikan sa duha ka liga ang mipakita og interes pagkuha kaniya.