Simmons dili sab moduwa
CEBU, Philippines — Si Ben Simmons mi-atras gikan sa Australia basketball team nga gikatakdang moduwa og duha ka exhibition games batok sa Canada ug United States didto sa Melbourner sunod bulan.
Matud pa ni Simmons nga nakab-ot niya ng maong desisyon human sila nagkaestorya ni Australia coach Andrej Lemanis.
“After talking with coach Andrej, we both agreed it was better for me to not participate in this year’s 2019 World Cup and exhibition games,” dason pa ni Simmons.
Sa opisyal niyang pamahayag, si Simmons nanghinaut gihapon nga makaduwa sa Australia sa 2020 Tokyo Olympics.
Sa sayo pa, mipadayag nang daan si Simmons nga dili siya moduwa sa Australia Boomers sa FIBA World Cup nga sugdan unya sa Agosto 31 didto sa China.
Kini kay gusto ni Simmons nga adto ibubo ang iyang panahon alang sa pagpangandam sa Philadelphia 76ers sa umaabot nga NBA season.
Dili pa lamang dugay si Simmons mipirma og lima ka tuig nga kontrata sa Sixers nga mibalor og $170 million.
- Latest
