CEBU, Philippines – Mipasalig si Phoenix Fuel Masters coach Louie Alas nga makasud na sila sa finals appearance sa sunod conference, ang PBA Commissioner's Cup nga buksan sunod bulan.
Nahanaw ang damgo sa Phoenix nga mosakmit sa labing una nilang finals berth human sila gitaktak sa defending champion San Miguel Beermen, 94-105 sa Game 5 niadtong Huwebes.
Ang Phoenix mipakita og dakong kalamboan sa All-Filipino Cup human nila gisakmit ang top seed sa wala pa mapilde sa San Miguel.
Timaan nga seryoso sila sa ilang misyon sunod conference, si Alas mitug-an nga gikuha nila ang serbisyo ni kanhi best import Rob Dozier.
Ang 6-foot-9 nga si Dozier maoy nakita ni Alas nga solusyon sa ilang problema sa center position.