CEBU, Philippines – Ang walay pildeng heavyweight champion nga si Tyson Fury mokatkat og balik sa ring batok ni Tom Schwarz karong Hulyo 15 sa labing una niyang away didto sa Las Vegas.
Gikompirma kini sa Top Rank, ang promoter ni Fury, kagahapong adlawa.
Si Fury nga nagkupot og 27-0-1 record uban ang 19KOs, giyukboan gihapon nga usa ka kampiyon bisan og gihubo niini ang pipila ka bakus nga iyang nadaog human pildiha si Wladimir Klitschko upat ka tuig ang milabay.
Mao sab kini ang unang higayon nga mopakita'g aksiyon si Fury human sila nagtabla ni WBC heavyweight champion Deontay Wilder niadtong Disyembre sa miaging tuig didto sa Staples Center sa Los Angeles, California.
Inilog man tuod apan angayan nga magmatngon si Fury batok sa 24-anyos nga si Schwarz nga wala pa sa'y pilde sa 24 ka duwa diin 16 sa mga biktima niini iyang gipalukapa.