CEBU, Philippines – Duha ka batan-ong Cebuano pointguards ang moduwa sa Rising Stars Game nga tipik sa mga kalihukan sa PBA All-Star Week sunod semana didto sa Calasiao, Pangasinan.
Sila si Paul Desiderio sa Blackwater Elite ug Mark Tallo sa NLEX mopakita'g aksiyon ubos sa Rookie/Sophomores team diin ilang sangkaon ang Juniors team.
Ang Rookies/Sophomores-Juniors match maoy mobukas sa All-Star Weekend sa dili pa ang North batok South nga duwa.
Mokompleto sa line-up sa Rookie/Sophomores line-up mao sila si Jason Perkins (Phoenix), Jeron Teng (Alaska), Robert Bolick (NorthPort), Reymar Jose ug Abu Tratter sa Blackwater, CJ Perez (Columbian), Trevis Jackson (Meralco) ug Javee Mocon (Rain or Shine).
Sa habig sa Juniors, langkuban kini nila ni Cebuano ug kanhi Rookie of the Year RR Pogoy (TNT), Matthew Wright (Phoenix), Jio Jalalon (Magnolia), Carl Bryan Cruz (Alaska), Kevin Ferrer (Ginebra), Rashawn McCarthy (Columbian), Mike Tolomia (Meralco) ug Ed Daquioag (NorthPort).