CEBU, Philippines — Gipaabot nga si PBA great Jeffrey Cariaso mao na ang modala isip bag-ong head coach sa Alaska Aces puli ni Alex Compton.
Masukod karon ang abilidad ni Cariaso sa iyang season debut batok sa Rain or Shine Elasto Painters karong alas-4:30 sa hapon.
Si Compton pakyas paghatag og kampiyonato sa Alaska human sa upat nila ka PBA finals appearance.
Hinuon, ang kadagkoan sa Alaska miingon nga si Cariaso una ang modala sa koponan tungod kay si Compton miuli sa Estados Unidos.
Dili sayon ang tahas ni Cariaso paghatag og daog sa Aces sa una nilang duwa sa Philippine Cup tungod kay naputos sila sa injury nga naglakip nila ni Vic Manuel, Sonny Thoss, Chris Banchero, Simon Enciso, Jayvee Casio ug Kevin Racal.
Sa laing bahin, ang Governors Cup champion Magnolia Hotshots mosugod usab sa ilang kampanya sa bag-ong season batok sa TNT KaTropa sa main game sa alas-6:45 sa gabii.