Melo buhian ra sa Bulls
CEBU, Philippines – Maisip ra unya gihapon nga walay koponan ang 10-time All-Star nga si Carmelo Anthony tungod kay walay plano ang Chicago Bulls nga mopaduwa kaniya.
Kini ang gibutyag sa Chicago insider nga si K.C Johnson kinsa miingon nga buhian ra dayun sa Bulls si Anthony kinsa napunta sa koponan human sa trade tali sa Houston Rockets.
"He (Anthony) is expected to be dealt again or waived," matud pa ni Johnson sa bleacherreport.
Tungod niini, dili pa gyud hingpit ang pagbalik ni Anthony sa NBA ug wala pay koponan nga mipadayag sa ilang interes nga mohatag og kahigayunan sa 34-anyos nga shooter.
Human sa iyang usa ka season sa Oklahoma City Thunder diin mi-average siya og 16 puntos, si Anthony wala magdugay sa Rockets diin mitampo soya og 13.4 points matag duwa.
- Latest
