De Ocampo mopamatuod nga di pa siya laos
CEBU, Philippines — Ipamatuod ni kanhi All-Star ug Gilas Pilipinas forward Ranidel De Ocampo nga dili pa siya laos ug aduna pa siya'y ikabuga sa PBA sa iyang pagduwa og balik sa Meralco Bolts.
Si De Ocampo nawagtang sa eksena kapin usa ka season tungod sa nagkadaiyang injury, apan andam siya mopakita nga usa gihapon siya ka elite player sa PBA.
Ang 37-anyos nga si De Ocampo mipahibalo nga himsog na siya ug wala na'y injury.
"Healthy na ako," matud pa ni De Ocampo sa Spin.ph. "Excited na ako makalaro. Matagal din ako nawala. Sana makatulong ako sa team ngayong season na 'to."
Si De Ocampo nga nakaduwa lang og 11 ka higayon sa miaging season, nagkanayon nga andam siya modawat bisan unsa nga papel ihatag ni coach Norman Black kaniya. Ang importante mao nga makatabang siya sa Meralco nga naglaraw mosakmit sa labing una nilang PBA title.
- Latest
