CEBU, Philippines — Gipalagpot sa Minnesota Timberwolves ang ilang head coach nga si Tom Thibodeau, usa sa labing daogan nga mga coaches sa kasaysayan sa ilang prangkisa, apan nagtutok sa iyang team nga nagkalisud karon nga season.
Gipahibawo si Thibodeau sa maong desisyon human midaog ang Timberwolves sa Los Angeles Lakers, 108-86 kagahapon.
Gawas nga gipalagpot isip coach, si Thibodeau gihukasan sab sa iyang katungdanan isip presidente sa basketball operations.
"These decisions are never easy to make, but we felt them necessary to move our organization forward," matud pa ni Glen Taylor, ang tag-iya sa Wolves.
Mikomento si Taylor ngadto sa Minneapolis Star-Tribune nga wala siya makontento sa gipakitang labok sa ilang koponan bisan pa man sa kaabunda niini og talento.
Si Taylor nadismaya og maayo human sila gibihag sa Phoenix Suns, Detroit Pistons, New Orleans Pelicans ug Atlanta Hawks, mga koponan nga pabor sila sa tapad.
Gipadayag ni Taylor nga si Ryan Saunders maoy modala sa papel isip interim head coach sa Wolves sa nahibilin nga bahin sa 2018-2019 season.
Sa kasamtangan, ang Wolves nahimutang sa ika-11 nga dapit sa Western Conference bitbit ang 19-21 record. (BANAT NEWS)