Wall di katiwas sa season

CEBU, Philippines — Literal nga mawad-an og usa ka lig-ong pader ang Washington Wizards.

Kini gumikan kay ang ilang bitoon nga si John Wall ipaubos sa usa ka season-ending surgery aron ayuhon ang dautan nga bukog sa wala niining kiting.

Si coach Scott Brooks mismo ang mipahibawo sa dili maayong balita atol sa 130-126 nga kadaogan sa Wizards batok sa Charlotte Hornets.

Ang 28-anyos nga si Wall gibana-bana nga papahuwayon gikan sa unom hangtud sa walo ka bulan human sa iyang operasyon.

Gumikan sa desisyon ni Wall nga magpa-opera, wa pa say klaro kon kanus-a siya makaduwa og balik sa sunod nga NBA season.

Usa ka eksplosibong armas sa Wizards, si Wall mi-average og 20.7 puntos ug 8.7 assists matag duwa karon season. (BANAT NEWS)