Sparmate gisunggohan

CEBU, Philippines — Nakita na ang kabangis ni Pinoy ring icon Manny Pacquiao human niya padug-a ang ilong sa iyang sparmate nga si Arnold Gonzales atol sa sparring sessions kagahapon didto sa Wild Card Gym sa LA.

Si Pacquiao mipahigayun og 10 ka rounds nga sparring kagahapon diin gipuli-pulihan siya og tulo ka sparmates nga mao sila si Gonzales, Lydell Rhodes ug George Kambosos.

Ang tulo ka mga sparmate ni Pacquiao pulos miingon nga galisud sila sa kapaspas niini.

Si Pacquiao todo ensayo pangandam sa iyang pagdepensa sa iyang WBA welterweight title batok ni kanhi champion Adrien Broner sa Enero 19 didto sa Las Vegas.

Ang 40-anyos nga si Pacquiao nakig-uban na ni Freddie Roach kinsa mao ang midala karon sa iyang ensayo sa Wild Card. Hinuon giklaro na daan sa Team Pacquiao nga ang suod nga higala sa Pinoy champion nga si Buboy Fernandez mao na ang head trainer ug consultant nalang ang American trainer. (BANAT NEWS)