4Nichol's, U. Galvasteel nagsawo sa liderato

CEBU, Philippines – Temporaryo karong gisaw-an sa two-time champion 4Nichol's Farm ug Union Galvasteel ang liderato sa Consolacion Lilo-an Basketball Association (CLBA) Season 1 human sa ilang  kadaogan batok sa tagsa-tagsa nilang kaatbang niadtong Sabado didto sa GT Academy gym sa Tayud, Lilo-an.

Ang 4Nichol's ni playing team owner Mitcham Tiro milubong sa Calubian sa iskor nga 91-77, samtang ang Union Galvasteel milubong og sobra'g katunga sa Pilapilan alang sa ilang 4-2 nga baraha.

Kuyaw kaayo nga nakaduwa si Niño James Icot ug gipangulohan ang 4Nichol's pinaagi sa iyang 27 puntos. 

Ang 4Nichol's ni coach Sugar Adaptar naggukod pirme sa halos tibuok duwa, apan nausab ang kamada pagka fourth quarter dihang nagpatuyang kini pamupo'g mga puntos aron makawat ang daog.

Si Noli Lascuna mitanom og 16 puntos alang sa 4Nichol's Farm.

Naugon kaayo ang 41 puntos ni Mark Loon kay wala kini makapadaog sa Calubian nga nagbitbit og 2-5 nga baraha.

Ang liga nga gipaluyohan sa Union Galvasteel, gipadagan ni commissioner Fury Trazona sa abag nilang Harris Perez, Joe Velez ug Choy Pilapil.

Namugna ang liga pinaagi pagtinabangay nilang Arnold Labustro ug Henry Agbon nga maoy presidente ug bise presidente sa maong ballclub.

PUNTOS MATAG USA

Unang duwa:

4NICHOLS (91) – Icot 27, Lascuna 16, Cabahug 8, Liam 7, Tiro 5, Apas 5, Berandal 4, Roland 3, Ponce 2, Jessei 2, Japos 2.

CALUBIHAN (77)  – Loon 41, Pepito 15, Cortes 9, Cabahug 6, Pepito 6.

Ikaduhang duwa:

GALVASTEEL (105) – Obial 15, J. Mantos 12,

R. Mantos 12, Macasero 12, Gellocane 11, Gestopa 8, Gaite 8, Dejarme 5, Orongan 4, Judaya 4, Arlabs 2, Boyles 2.

PILAPILAN (45) –  Mendoza 23, Pilapil 5, Maglasang 5, Halod 4,

Pilapil 4, Yavie 2, Dave 2.