CEBU, Philippines — Miangal si Magnolia Hotshots coach Chito Victolero tungod sa iyang pagtuo nga ang mga reperi sa PBA mipabor sa Alaska Aces hinungdan sa ilang kapildihansa Game-3 sa iskor nga 71-100 niadtong Domingo didto sa Ynares Center sa Antipolo.
Ang Alaska misakmit sa una nilang daog ug mibaraw sa Magnolia nga laraw moposte og 3-0 nga labaw, apan si Victolero mipasangil nga napilde sila tungod kay ang tawag sa mga reperi pabor kanunay sa Aces ilabi na sa fouls.
"The referees are not calling on our side and the referees are calling on their side," matud pa ni Victolero sa Spin.ph.
"I kept on reviewing the tapes. Wala namang ginagawang masama 'yung mga players ko and I think I don't know what the referees are seeing kung ano ‘yung fouls na ginagawa."
Sa pamahayag ni Victolero, posibleng mapahamtangan siya og silot sa liga.
Ang Game-4 sa 'best-of-seven' finals series duwaon ugma didto na sa Smart Araneta Coliseum.