CEBU, Philippines — Aduna na'y 32 ka nationalities gikan sa nagkadaiyang dapit sa kalibotan ang kompirmadong modagan sa Cebu Marathon 2019 sa Enero 13 sunod tuig diha sa Cebu Business Park.
Sa pagka karon, dul-an na sa 3,000 ka runners ang nagpalista ug lakip na niini ang mga langyaw.
Ang lumba gibahin sa 42K, 21K ug 5K categories.
Si Cebu Executive Runners Club (ERC) president John Pages misaad og lingaw nga lumba alang sa tanan.
"We make sure that all participants especially the visitors will experience the same festive Sinulog atmosphere with a lot of music, dancing and spectacles because that's what separates Cebu Marathon from the other marathons," matud pa ni Pages.
Ang registration fee nagkantidad og P2,100 sa 42K, P1,800 sa 21K ug P750 sa 5K libre na niini ang race kit, finishers shirt, finishers medal, loot bag ug snacks.