Gilas andam pisikal nga duwa

CEBU, Philippines – Gimandoan ni Gilas Pilipinas coach Yeng Guiao ang iyang mga batos nga andamon ilang  kaugalingon sa usa unya ka pisikal nga duwa batok Kazakhstan ug Iran sa 2019 FIBA World Cup qualifiers karong Nobiyembre 30 ug Disyembre 3 didto sa MOA Arena.

Miingon si Guiao  nga kinahanglan nga dili makalitan ilabi na iyang mga bigmen sa pisikal ug hugaw unya nga duwa sa ilang mga kaatbang. 

Gawas sa pagpalig-on sa ilang lawas, gusto usab ni Guiao nga dili mawala sa pokus iyang mga players ug dili magpadala sa emosyon sama sa nahitabo sa duwa tali sa Gilas ug Australia nga miresulta ra rambol ug pipila ka mga suspensiyon sa mga players ug coaches sa matag habig niadtong Hulyo.