CEBU, Philippines – Pakyas siya pag-angkon sa gold medal sa miaging 18th Asian Games didto sa Indonesia, apan ang Fil-Japanese judoka nga si Kiyomi Watanabe pabilin sa iyang damgo nga makaduwa ug mudaog og medalya sa 2020 Tokyo Olympics.
Ang Cebuana misakmit sa silver medal sa miaging Asian Games, apan dako na kining gikalipay sa mga kadagkuan sa Philippine sports tungod usab kay ang iyang silver maoy usa sa duha lang ka silver nga nakuha sa nasud.
Ang three-time Southeast Asian Games gold medalist nagkanayon nga daghan siya og nakat-onan sa Asian Games lakip na sa iyang kapildehan batok sa Japanese nga si Nami Nabekura sa 63 kgs. finals.
Ang presidente sa Philippine Olympic Committee nga si Ricky Vargas ug Philippine Judo Federation president David Carter pulos andam nga muhatag og grabeng suporta ngadto ni Watanabe aron matuman ang damgo niini nga mulampos sa Olympics.