Sorongon, Emia daog sa St. Ignatius Run

CEBU, Philippines — Subli na usab nga mipakita sa iyang kapaspas ang veteran marathoner nga si Ruffa Sorongon aron masakmit ang korona sa 21K women's open sa St. Ignatius Run 2018 kagahapon didto sa SM City Cebu grounds.

Si Sorongon maoy unang milabang sa finish line sa iyang dibisyon sa oras nga 1:31:07. Nagsunod kaniya si Evamie Villarin sa oras nga 1:34:08, samtang si Angel Estillore maoy third placer sa oras nga 1:44:05.

Sa pikas bahin, si Joseph Emia maoy hari sa 21K human niya gitapos ang lumba sud sa usa ka oras, 17 minutos ug 41 segundos. Si Ychong Agustin maoy milublub sa ikaduhang dapit sa oras nga 1:20:46, samtang si Paul James Zafico maoy ikatulo sa oras nga 1:22:58.

Sa 12K open, migawas nga mananaug sila si Ruel Alguferra ug Joan Alinsunod.

Si Alguferra midaog sa titulo sa oras nga 43:01 gisundan nila ni Kenyan Eric Chepsiror (44:06) ug Azlan Pagay (48:13), samtang si Alinsunod maoy labing paspas sa women's sa oras nga 51:35 uban sa mga runners-up nga sila si Cherry Andrin (52:29) ug Geniecel Saballa (54:43).

Si Prince Joey Lee ug Mary Joy Loberanis maoy midaog sa 6K. (BANAT NEWS)

Show comments