CEBU, Philippines — Mortal sila nga magkaribal ni LeBron James diin kapila na sila nagkainitay sud sa hardcourt, apan si Lance Stephenson mipasalig nga magkasuod sila karon nga teammates na sila uban sa Los Angeles Lakers.
Si Stephenson nahimong lig-on nga guwardiya batok ni James dihang miduwa pa siya sa Indiana Pacers, apan hingpit na siyang nahimong Lakers human mipirma og usa ka tuig nga kontrata sa koponan kagahapon nga balor og $4.5 million.
Nagsugod ang panagribal nilang Stephenson ug James niadtong tuig 2014 diin nagsangka sa Eastern Conference finals ang Pacers ug Miami Heat. Ang nine-season veteran nga si Stephenson miingon nga andam siya nga motabang sa Lakers aron makabalik sa playoffs ug ilabi na sa finals sunod season.