CEBU, Philippines — Walo ka mga koponan ang mag-ilog sa korona sa ika-10 edisyon sa Lapu-Lapu Basketball Association (LLBA) Basketball Tournament nga pormal nang buksan karon didto sa Villas Magallanes Gym sa Barangay Agus, Lapu-Lapu City.
Mga koponan nga moduwa mao ang Igot Trucking ni Junax Igot, Birhen sa Regla, Lab Solution ni Artis Pinote, Krishan Legends nilang Alven Nazario ug Mario Bancale, MJP ni Don Pastorfide, Rollway ni Rolly Dela Pieza ug Mojito ni Pablo Roy Cortes.
Ang maong torneyo mosubay og single round robin format.
Gipasiugdahan nilang Dr. Mike Ouano, Neil Burlaos, Cris Bacus, Darius Reyes, Victor Malingin ug Eduardo Bontes, ang torneyo gisuportahan ni Mayor Paz Radaza, Vice Mayor Marcial Ycong ug Councilor Harry Radaza.