CEBU, Philippines — Karibal sila kaniadto ni LeBron James dihang miduwa pa siya sa Boston Celtics, apan ang beteranong guwardiya nga si Rajon Rondo gusto karon nga moporma og maayong relasyon alang sa kaayohan sa Los Angeles Lakers.
Si Rondo, usa sa mga assist leaders sa miaging season miingon nga modawat ra siya bisan unsa nga papel ang ihatag ni coach Luke Walton kaniya. Masaligon siya nga mogana ang sistema sa Lakers sa pagpangulo sa superstar nga si James.
Bisan pa og kapila sila nag-atbang kaniadto sa Eastern Conference, si Rondo saludo sa abilidad ni James nga mobaswat sa usa ka koponan ngadto sa kalampusan.
Dili usab panumbalingon ni Rondo kon himuon siya nga back-up sa una nang starting guard sa Lakers nga si Lonzo Ball.
Isip usa ka veteran, gusto ni Rondo nga molambo ang duwa sa batan-on nga si Ball pinaagi sa iyang tabang.