Luc Longley mibasol ni Reyes
CEBU, Philippines – Ang NBA legendary center ug assistant coach sa Australia nga si Luc Longley mipasangil ni head coach sa Gilas Pilipinas Chot Reyes nga maoy responsabli sa kagubot atol sa duwa sa 2019 FIBA World Cup qualifiers niadtong Lunes sa gabii didto sa Philippine Arena.
Si Longley nga kanhi teammate ni Michael Jordan sa Chicago Bulls, nagkanayon nga mismo si Reyes ang midasig sa iyang mga batos nga mohimo og hard foul o pasakitan ang mga player sa Australia.
"I do believe their coach Chot Reyes incited them to come out and thug us," matud pa ni Longley sa usa ka press conference kagahapon. "There's video evidence of that.
Miingon si Longley nga gimandoan ni Reyes iyang players nga bulabugon ang duwa human miburot ang labaw sa Australia.
Sa iyang bahin, ang Australian CEO nga si Anthony Moore misalikway sa mga pangangkon ni Reyes nga ang Australia maoy nag-una-una sa kagubot. Gani sa pagwarm-up pa lang, daan na kining nagpasingit.
Nakuhaan pa gani og video diin nakita nga gitukmod ni Daniel Kickert si Matthew Wright atol sa warm-up, apan gipasanginlan nila si Calvin Abueva nga maoy unang namatid sa tiil sa Australian player.
- Latest
