Visayas Open 2nd leg sa Hulyo 7
CEBU, Philippines – Gatosan ka batan-ong atleta ang modagsa sa Naga City alang sa second leg sa Visayas Open 2018 nga gipasiugdahan sa Philippine Sports Commission (PSC).
Mga events nga banatan sa second leg mao ang arnis, boxing, karatedo, taekwondo, tennis, archery, badminton, open water swimming, air riffle shooting, judo ug fencing.
Isip paagi aron makakaplag og mga atleta nga adunay potensiyal nga malakip sa national team, ang maong torneyo gibahin sa tulo ka age-groups nga mao ang 12-under, 16-under ug 22 under.
"It's all system go for the Visayas Open in Naga. We are already prepared in terms of the venue and other matters for the games which will be played there," matud pa ni PSC Region 7 Executive Director Boobi Kintanar.
Gisugdan ang registration ug libre kini sa tanang aspiring athletes. Ang interesadong mosalmot mahimong mobisita sa PSC office diha sa Cebu City Sports Center o kontak sa numero 254-7291.
- Latest
