CEBU, Philippines — Milampos ang Philippine Accessible Disability Services (PADS) Adaptive Dragon Boat Racing Team pagdaog og 'back-to-back' title sa Hong Kong International Dragon Boat Races niadtong miaging adlaw didto sa Central Harbourfront sa Hong Kong.
Ang PADS nga gibidahan sa pipila ka mga Cebuano paddlers misakmit sa titulo sa International Paradragon Championship category.
Sila ang nakaangkon sa labing paspas nga oras nga 1:33.91 segundos, gisundan sa Golden Eagle sa Hong Kong nga adunay sa oras nga 1:41, NACC Top Brilliance sa Taiwan nga mioras og 1:45. (BANAT NEWS)