CEBU, Philippines – Laing kontrobersiya ang mitay-og karon sa PBA human ang tag-iya sa Alaska Aces nga si Wilfred Uytengsu Jr. misaway sa hukom ni league commissioner Willie Marcial nga paduwaon pagbalik ang controversial import nga si Renaldo Balkman.
Kahinumduman, si Uytengsu mipagawas og pamahayag batok ni Marcial sa pagbalik ni Balkman sa PBA uban sa San Miguel Beermen karong Sabado.
Si Uytengsu wala kauyon ilabi na nga ang iyang koponan nga Alaska ang unang ikaharong sa Beermen uban ni Balkman.
Si Marcial midepensa sa iyang kaugalingon ug miingon nga wala siya magpasagad sa maong hukom ug gitarong niya pagsabot ang sitwasyon sa wala pa siya mipakanaog sa final decision nga paduwaon si Balkman.
Si Balkman gipahamtangan og lifetime ban niadtong tuig 2013 human kini magwala sud sa korte diin gituok pa niya si Arwind Santos nga niadtong tungora kauban pa sila sa Petron Blaze.