Suns unang mopili sa 2018 NBA Draft

CEBU, Philippines – Ang Phoenix Suns maoy nakaangkon sa katungod nga mobira sa No. 1 pick sa 2018 NBA Draft sunod bulan.

Mao kini ang labing unang higayon nga ang Suns maoy mokuha sa first overall selection. Ila kining premyo bugti sa   pagtapos nila sa miaging  regular season bitbit ang  labing  bati  nga rekord sa liga sa ilang 21-61 nga baraha.

Ang Sacramento Kings maoy molabni sa No. 2 pick ug dayon ang Atlanta Hawks. Sunod nga mopili mao ang Memphis Grizzlies, Dallas Mavericks, Orlando Magic, Chicago Bulls, Cleveland Cavaliers, New York Knicks ug Philadelphia 76ers

Ang NBA Draft gikatakda karong Hunyo 22 didto sa Barclays Center sa Brooklyn, New York.

Naglangkob sa mga lig-ong kandidato aron maoy No. 1 overall pick mao sila si Deandre Ayton (Arizona), Marvin Bagley III (Duke) ug Trae Young (Oklahoma).