Trail Run sa Argao karong Domingo

CEBU, Philippines – Gatosan ka  trail runners ang maglumba sa tungason ug makutas nga rota sa 7th Argao Highlands Endurance Trail Run ugma didto sa Argao.

Ang maong lumba nga sugdan didto sa Pueblo de Argao ug matapos didto sa Coal Mountain Resort, adunay gilay-on nga 25 kilometro. Ang   mga entrante moagi sa sapa, waterfalls, kabukiran ug uban pang uphill ug downhill courses.

Sugdan sa alas-5 sa buntag, ang organizers mihatag og upat ka oras nga cut-off time sa mga partisipante.

Ang tanang finishers makadawat og finisher's medal. Ganting salapi usab ang madawat sa top finishers diin ang kampiyon sa men ug women's division  mobulsa og P6,000 matag usa ug overnight stay sa Sea Breeze Hotel and Spa.