‘Do-or-die’ game karon sa Alab ug mono Vampire
CEBU, Philippines – Mahibaw-an na kun makuha ba sa Alab Pilipinas ang gihandum nilang ABL title sa ilang ‘do-or-die’ Game 5 batok sa Mono Vampire karong gabii didto sa Sta. Rosa, Laguna.
Nisangko sa Game 5 ang series human ang Alab napilde sa ilang pagpanulong sa Mono Vampire sa iskor nga 83-88 didto sa Bangkong Stadium niadtong Lunes sa gabii.
Si Alab coach Jimmy Alapag nahagit hinuon sa duwa karon diin sila adunay kahigayonan nga mosakmit sa korona atubangan sa mga Pinoy fans. Ang Alab katapusang nakatilaw og ABL title niadto pang tuig 2013.
Aron makab-ot ang ilang damgo, gusto ni Alapag nga lig-onon ang depensa sa iyang mga batos nga maoy nakita niyang hinungdan sa ilang kapildihan sa Game 4. Buot usab ni Alapag nga higpiton og bantay ang tulo sa key players sa Mono Vampire nga sila si 7-foot-5 Sam Deguara, import Mike Singletary ug Fil-American Jason Brickman.
Sa susamang paagi, mihangyo si Alapag sa iyang duha ka imports nga silang Justin Brownlee ug Renaldo Balkman nga ipagawas ang tanan nilang kusog sa katapusang higayon aron seguradong modaog. Maglaum usab si Alapag nga makahatag og maayong duwa ang mga sinaligan niyang local players sama ni Ray Parks Jr.
- Latest
