Magis Eagles nag-outreach sa Davao
CEBU, Philippines — Wala man tuod sila nakampiyon, apan ang Sacred Heart School-Ateneo de Cebu (SHS-AdC) Magis Eagles dunay nahimo didto sa halayong dapit sa Davao nga angayan nilang ikapasigarbo sa ilang pagtaak og balik dinhi sa Sugbo.
Ang Magis Eagles mibiyahe ngadto sa lungsod sa Lupon sa Davao Oriental diin sila nakigtige batok sa mga collegiate teams sa Davao atol sa 2nd Mayor’s Cup Basketball Tournament niadtong Abril 20-23.
Apan wala nila gisaytan ang premyo sa upat ka adlaw nga torneyo nga giorganisar nila ni Lakay Rosete ug Van Halen Parmis
Ang kalihukan gipaluyohan ni Mayor Erlinda Lim ug sports committee chairman Sani Hanane isip league commissioner.
Matud pa ni coach Rommel Rasmo nga nindot kaayo ang ilang kasinatian sa Lupon ilabi na kay dako kini og natabang sa ilang misyon pagpanday og balik og usa ka lig-ong koponan.
“It was a very humbling experience for us. We grabbed the opportunity when we were invited by coach Van (Parmis) to play in Lupon against three of Davao's best college teams because we believe it can help us a lot in our preparations for the coming CESAFI season especially that we have a new team right now,” matud pa ni Rasmo nga mitimon sa Magis Eagles ngadto sa upat ka sagunson nga titulo sa nag-unang liga sa Sugbu.
Gawas nga gikinahanglan nilang exposure ug team building pangandam sa 18th Cebu Schools Athletic Foundation, Inc. (CESAFI) season karong Agosto, ang Magis Eagles mipahimos sab sa kahigayonan nga madaog ang kasingkasing sa mga fans didto sa Davao gumikan sa ilang kaayo.
- Latest
