Horn interesado makigsangka ni McGregor
CEBU, Philippines — Gipadayag ni WBO welterweight champion Jeff Horn ang iyang interes nga mahimong sunod nga boksidor nga makigsangka sa mixed martial arts star nga si Conor McGregor.
Si Horn kinsa nailhan nga maoy katapusang boksidor nga nakapilde ni Manny Pacquiao niadtong Hulyo didto sa Australia, modepensa sa labing unang higayun sa iyang bakus batok ni Gary Corcoran sa Disyembre, apan gusto niya nga isunod si McGregor.
Ang promoter ni Horn nga si Dean Lonergan miingon nga gusto nila ang mga dagkung away lakip na ang rematch batok ni Pacquiao, apan kon dili gyud moaway og balik ang Pinoy boxing star ni Horn, si McGregor ilang nakita nga dakung isda nga ilang atubangon.
"We'd love to have Manny Pacquiao down here (again), he's certainly one of the guys on the table," matud pa ni Lonergan sa Associated Press."There's been some murmurings and rumblings that perhaps we could get Conor McGregor down here.
Si McGregor kinsa two-division UFC champion, mitunob sa labing unang higayun sa boxing ring niadtong Agosto batok ni undefeated boxing legend Floyd Mayweather diin siya napilde pinaagi sa 10th round TKO. — (BANAT NEWS)
- Latest
