CEBU, Philippines - Daku og interes si Greg Smith, ang high-scoring import sa Blackwater Elite nga mahimong naturalized player sa nasudnong koponan.
Si Smith nakit-an nga miapil sa training sa Gilas Pilipinas nga nangandam sa SEABA Championship nga gikatakda sunod buwan.
Ang 6-foot-9 nga si Smith nag-average og dul-an sa 30 puntos alang sa Blackwater ug interesado siya nga mahimong kabahin sa Gilas.
Si Smith daku og natampo sa training sa Gilas diin iyang nabaid ang abilidad ni MVP JuneMar
Fajardo tungod sa iyang talento isip bigman.
Ang tag-iya sa Blackwater nga si Dioceldo Sy miingon nga kun dili na moduwa si Andray
Blatche, iyang irekomendar si Smith tungod kay nakauyon siya sa abilidad ug batasan niini. Gawas ni Smith, laing import karon nga si Donte Greene sa TNT KaTropa ang miapil usab og bansay-bansay uban sa Gilas. (BANAT NEWS)