CEBU, Philippines - Mopakanaog na sa iyang hukom si PBA veteran star Danny Seigle kun mopadayon ba siya og duwa sa PBA o moretiro na lang human sa 17 ka season niya sa liga.
Ang 1999 Rookie of the Year nga gipanganlan nga usa sa mga all-time PBA bigmen, aduna na’y expiring contract uban sa TNT KaTropa karong buwana. Ang TNT mag-agad ra sa desisyon ni Seigle.
Ang 40-anyos nga si Seigle maisip nga future Hall-of-Famer sa PBA tungod sa iyang upat ka Finals MVP award, duha ka Best Player of the Conference trophies ug tulo ka Mythical Five citations. Aduna siya’y 8,386 career points, 3,132 career rebounds ug 824 assists. Ika-26 siya sa all-time scoring sa PBA. (BANAT NEWS)