Fury nagmangtas na sab, gipangulohan iyang team
CEBU, Philippines - Nagmangtas na sab si Fury Trazona diin mipahaguros siya og 21 puntos aron pangulohan ang iyang koponan E-F Surplus paglubong sa Rey Builders, 64-47 sa 7th J/J Surplus Ballclub basketball tournament niadtong Lunes didto sa GT Academy gym sa Tayud, Lilo-an.
Wala gyu’y nakapiog ni Fury ilabi na sa second half diin siya nagmangtas bisan og giunsa’g pugong sa mga kontra.
Ang E-F Surplus nga maoy nidominar sa kinatibuk-ang duwa, aduna na karo’y 2-1 nga baraha.
Ang team manager sa Rey Builders nga si Rey Tiongzon mao sab ang nangu sa napilde niyang koponan nga miburak og 11 puntos.
Sa laing aksiyon, ang Union Galvasteel mipahamtang sa J/J Surplus sa labing una niini nga pilde sa iskor nga 68-60.
Walay bisan usa nga nakaiskor og double figures sa Union Galvasteel ni Arnold Labustro, apan maayo kaayo nga pagkabahin-bahin ang ilang mga puntos nga nakapadaog kanila.
Ang J/J Surplus ni Henry Agbon gipangulohan sab ni Larry Oroyan nga miratsada og 10 puntos.
Midaog sab ang W/D Construction batok sa Gyro Steel, 54-48 ubos sa pagpangulo sa team manager niining si Peter Mereve nga mipatuasik og 11 puntos, gisundan nilang Jhong ug Alvin nga nagtampohay og 10 puntos.
Ang Gyro Steel ni Lando Mendoza, miaksiyon unta og gukod, apan bisan pa giunsa nila og paningkamot wala gyud kini mosalir.
Ang liga nahimo pinaagi sa mga paningkamot sa ilang presidente Henry Agbon, commissioner Fury Trazona ug technical committee Chang Tejero. Ang mga duwa gipadagan nilang Inting Pilapil, Norman Tisoy ug Choy Pilapil.
Puntos matag usa
Unang duwa:
E-F Surplus (64) – Fury 21, Villahermosa 8, Betinol 8, Nuñez 6, Layese 3, Amer 3, Tranghia 3, K. Sabang 2, Caballes 2, Vallejos 2, Arjie 2.
REY Builders (47) – Tiongzon 11, Ardemir 8, Notarion 8, Bucag 7, Ruffer 4, Pitogo 4, E. Notarion 2, Rosaldo 1.
Ikaduhang duwa:
UNION Galvasteel (68) – Gestopa 9, Retiza 9, Mantos 6, Boyles 6, Gellocane 6, Dejarme 6, Labustro 5, Judaya 4, Capin 4, Lozano 3, Ravanna 3, Flores 2, Orongan 2, Macasero 2, Barro 2.
J/J Surplus (60) – Oroyan 10, Maquilan 7, Gentereloso 6, Hayahay 5, J. Tiwan 5, H. Agbon 3, J.H. Agbon 2, J. Agbon 2, Tadlas 2, Dela Cruz 2, Arnado 2, Astillero 2, Echiverri 2.
Ikatulong duwa:
W/D Construction (54) – Mereve 11, Jhong 10, Alvin 10, Douglas 9, Monleon 2, Nonay 2, Gerald 2, Monleon 2, Jay 2, Eduardo 2, Pedere 2.
GYRO Steel (48) – T. Cal 8, Diaz 7, Ruales 5, Mendoza 4, Dela Cruz 4, Santosidad 4, Briones 4, Sarsate 4, Meneon 2, G. Cal 2, Briones 2, Encarnacion 2, D. Cal 1. (BANAT NEWS)
- Latest
