CEBU, Philippines - Moabot ngadto sa 160 ka mga tennis players ang magpinaksitay sa first leg sa 11th edition sa Cebuana Lhuillier Age-group Tennis Circuit nga mosikad karong adlawa diha sa Citigreen Tennis Resorts sa Barangay Punta Princesa, siyudad sa Sugbo.
Kini ang labing dakung edisyon sa kasaysayan sa maong kalihukan nga gilangkuban karon og 57 ka legs diin duha niini anhi ipahigayon sa Sugbo.
Adunay pito ka mga elite players nga modagsa gikan sa Manila pinangulohan ni Nio Tria, samtang 30 ka mga players gikan sa Mindanao ang moduwa lakip na si Jose Maria Pague. Mangulo sa mga Cebuano bets mao si Elizabeth Abarquez.
Gawas sa unisex ngadto sa boys ug girls 18-under, aduna sa’y double category sa maong Group-2 PHILTA-sanctioned event. (BANAT NEWS)