Klitschko isunod ni Joshua

Gusto ni British heavyweight boxing star nga sunod pakamangon ang kanhi Ukrainian champion nga si Wladimir Klitscho sa sunod tuig. Ang blockbuster fight sa duha mihayag human sa impresibong title defense ni Joshua batok ni John Molina nga iyang gipaundang sa third round kagahapon didto sa England.

Si Joshua miinat sa walay pilde niyang record ngadto sa 18-0, 18KOs.

Mares kampiyon pagbalik

Nahibalik isip world champion ang veteran Mexican nga si Abner Mares human siya mipatigbabaw pinaagi sa split decision batok ni Jesus Cuellar aron masakmit ang WBA featherweight championship kagahapon didto sa California.

Chavez Jr. milampos sa 'comeback fight'

Gipakita ni kanhi super middleweight world champion Julio Cesar Chavez Jr. nga aduna pa siya'y ikabuga human siya milampos pagdaog sa iyang 'comeback fight' batok ni Dominik Britsch pinaagi sa unanimous decision didto sa Mexico.

Ang anak ni Mexican boxing legend nga si Juli Cesar Chavez Sr., kapin sa usa ka tuig nga nawala sa eksena sa boxing.