Boyles nagbangis sa Galvasteel

CEBU, Philippines - Wala papugong si Marvin Boyles sa iyang pagmangtas diin mibagnos siya og 21 puntos aron pangulohan ang Galvasteel nga mipukan sa YUFO, 79-70 sa 6th Conference J/J Surplus Ballclub basketball tournament niadtong Miyerkules didto sa Talit’s Garden open court sa Tayud, Lilo-an.

Ligas kaayo ang duwa    hinungdan nga wala makalubong ang Galvasteel. Apan bisan og gamay ra ang labaw, naprotehian gihapon nila ang ilang labaw hangtod nahurot ang oras.

Ang Galvasteel nakapahimos sab sa maayong labok nilang Jayvee Gellocane, Bobong Tiongzon ug Bonnie Capin nga parehong mikulit og double figures alang sa ilang 5-6 nga baraha.

Ang YUFO nga adunay 3-8 win-loss record gipangulohan ni A. Polosan nga miratsada og 22 puntos, gisundan ni Darlon Ale nga  mikamada og 20 puntos.

Midaog sab ang Narasaki human makaipsot sa kulbahinam nga duwa batok sa Northern Energy, 101-95.

Si Somosot maoy nangu sa tanang scorers sa Narasaki ni Mataji Narasaki nga mirehistro og 22 puntos. Laing upat niya ka teammates  nga miiskor og double digits naglakip nilang Pestaño, Jojo Ybañez, Ivan Mantuhac ug Russell Moneva.

Miiskor unta og 34 puntos si Tiongzon, apan  nakawang lang kay ang Northern Energy wala pa katilaw og daog sukad gisugdan ang maong liga.

Ang liga nga namugna pinaagi sa ilang presidente nga si Henry Agbon, gipadagan ni commissioner Fury Trazona uban nilang Chang Tejero, Rahskon Lucob ug Choy Pilapil.

Puntos matag usa

Unang duwa:

GALVASTEEL (79) – Boyles 21, Gellocane 16, Tiongzon 14, Capin 11, Ravanna 6, Gestopa 4, Flores 3, Labustro 2, Judaya 2, J. Orongan 2.

YUFO (70) – A. Polosan 22, D. Ale 20, Caro 8, J. Pon 7, Dela Cerna 3, Moreno 2, Cuyos 2, Polosan Sr. 2, Estole 2, Normandia 2.

Ikaduhang duwa:

NARASAKI (101) – Somosot 22, Pestaño 19, Ybañez 18, Mantuhac 15, R. Moneva 12, Xao 6, Tampus 5, Talingting 4.

NORTHERN Energy (95) – Tiongzon 34, Marlon 29, Alboleras 20, Notarion 6, Acabo 4. (BANAT NEWS)