CEBU, Philippines - Wa pakyasa sa duha ka light heavyweight champions nga sila si Andrew Ward ug Sergey Kovalev ang mga boxing fans didto sa Las Vegas human sila nagpinaksitay og maayo ibabaw sa ring.
Hinuon human sa 12 ka rounds nga binukbukay, migawas nga mananaug pinaagi sa unanimous decision ang Amerikanong si Andrew Ward kinsa misakmit sa WBO, WBA ug IBF light heavyweight titles.
Mimugna og gamay'ng kontrobersya ang away tungod kay aduna usab mga nagtuo nga si Kovalev ang angay nga mudaog human usab sa gipakita niining kusug diin napatumba niya si Ward sa second round, apan nakarekober ang nauwahi aron ipadayun ang sinukliay og kumo.
Si Ward midaog sa tulo ka judges nga pulos mihatag og 114-113 nga iskor.
"It was a fight of my life," matud pa ni Kovalev sa Associated Press. "I am disappointed in the judges' decision. He got maybe a few rounds, I agree with that. I kept control. I lost maybe three rounds the whole fight."
"I knew it was going to be a tough fight — it was the 1st time in my career I was dropped," matud pa ni Ward kinsa misaka sa record nga 30-0, 15KOs, samtang ang Russian nga si Kovalev nakatilaw sa unang pilde sud sa 32 ka away. (BANAT NEWS)